Boris Johnson reagon për dënimin me vdekje për të burgosurit britanikë

23:54 | 9 Qershor 2022
Trina Galanxhi

Qeveria britanike është “thellësisht e shqetësuar” për dënimet me vdekje të Aiden Aislin dhe Shaun Pinner, të cilët u kapën ndërsa luftonin në anën ukrainase, tha zyra e kryeministrit britanik Boris Johnson.

Në një deklaratë për shtyp, një zëdhënës i Boris Johnson tha: “Ne jemi thellësisht të shqetësuar për këtë. Siç kemi thënë më parë, të burgosurit e luftës nuk duhet të përdoren për qëllime politike”, transmeton portal arbresh.info

“Sipas Konventës së Gjenevës, luftëtarët kanë imunitet, që do të thotë se ata nuk duhet të gjykohen për pjesëmarrje në luftë,” shtoi zëdhënsi i Johnson.

“Ne do të vazhdojmë të bashkëpunojmë me autoritetet ukrainase dhe të përpiqemi të sigurojmë lirimin e qytetarëve britanikë që shërbyen në forcat e armatosura të Ukrainës dhe që tani janë robër lufte”, përfundoi ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm